كلمات شيلة عاش السعودي
كلمات شيلة عاش السعودي، من كلمات بندر عبدالعزيز السهلي ومن اداء معاذ الحربي
ياكنترول ياكنترول سجل لنا اقوى دخول
حسب الدلايل والفعول فعل السعودي مايزال
حنا ليا ثارت نشوش ونقلب على البيدا وحوش
وابن الوطن دونه جيوش بالثياب وبالبدال
نقدح طناخه من سطر وماهمنا درب الخطر
ونشرب من الدب الحمر كنه فناجيل الدلال
ومعاهدين ال سعود ولا نفرط فالعهود
حنا عمى عين الحسود من دون شك ولا جدال
حنا فدا يبو فهد وابشر بعزك والسعد
على العهد على العهد مانميل لو مال العقال
بارواحنا نفدا البلد باكبر ولد واصغر ولد
ولانحسب حساب احد ناقف على خط القتال
واللي يريد الزعزعه والله ماحنا معه
بالسيف الاملح نردعه لو كان ابن عم وخال
الجيش عنوان الصمود هيباتهم هيبات اسود
وحنا جميعا له جنود من الجنوب الى الشمال
ايران هي راس البلا شر على كل الملا
من قم حتى كربلا هي شر لا بده يزال
لكن جيناها سوى ما للمرض غير الدواء
وندوس ملعون الثوا في السلم ولا الاحتلال
النار تقدح بالزناد وتحول الاعداء رماد
صباح ولا فالهجاد ما للهبال الا الهبال
نمشي على كل الدروب شمال ولا فالجنوب
حنا مطانيخ الحروب رجال لا قالوا رجال
واللي عبث بديننا والله مايدخل بيننا
ينهان قبل يهيننا ويداس من تحت النعال
ابشر بعزك يالمليك اسلامنا مابه شريك
وحنا صقورك ماعليك صقور من فوق جبال
واسم العروبه نحتميه ولو تطمع الانذال فيه
فوجيهنا قبل الوجيه نفداه في حال ومال
والحربي بندر قالها المملكه برجالها
باقوالها وافعالها ماتختلف في كل حال
كذا كذا كذا كذا
كذا المراجل او بلاش عاش السعودي عاش عاش
ماعاد في الدعوه نقاش وياللي تعادينا تعال