كلمات شيلة حس فيني
شيلـة / حـــس فينــي
كلمـات / ماجد بن خرصان
أداء / محمد العميشي وعبدالخالق البصيري
عطني من وقتك دقيقة مثل ماعطيتك عمر
بس ابي أسأل ضميرك وين اودي هالحنين
كل يوم اقول بكرة بس هالبكرة دهر
حسبة العشاق ماهي مثل باق العالمين
مابى احساسك عمر والا ستة والا شهر
حس بينى لو ثلاث فى كل سنتين
المصيبةقلب شاعر يعرفك منذ صغر
مستحيل يهد حبك بين وبين حين
كان حلمه ما يهوجس فى المفارق والهجر
لين ماشاف الجفا ثم قال ما عذرك سمين
عادى ولو جات منك يا الغلا طعنة ظهر
انت تطعن طول عمرك بس دايم تستعين
فالصباح طيور هجرك والمسا ضيم وسهر
وكان نمت تقوم فى صدرى مثل غزوة حنين
وانت تحسبنى اناظر ف النجوم وفى القمر
قاعد اناظر جروجك داعبت عرق الوتين
وابن لإدم فى حياته عايش برحلة سفر
يعنى اصلا كل ابونا فى الحياه مسافرين
بس ود الشخص يترك فوق هالدنيا اثر
والاثر مايتركه ناس عليها تايهين
وانت سافر للامانى وابن فى الدنيا قصر
ماهو بقصر اليمامة قصر البابطين
قصر يشيد وفاك وطيبتك بين البشر
لا تفكر واجد بدنياك بكرة راحلين
واعترفلى واعتذر مادام باقى لك عذر
كان صرت موادع اترك عنك تلويح اليدين
وبكذا حبك يزيد وتكسب احسان واجر
لجل ماتدمن على عادتك مثل المدمنين
عندى لك رسالة والرسالة فى شطر
مختصرها كلمتين وكلمتين وكلمتين
دام لله الدوام ودام لله الكبر
خل عنك الكبر واتواضع مع المتواضعين
خل عنك الكبر واتواضع مع المتواضعين